निरोगी मातृत्वासाठी आणि निरोगी बाळासाठी गर्भसंस्कार ही अत्यंत महत्त्वाची गोष्ट आहे. विशेषतः आयुर्वेदामध्ये यासंदर्भात मार्गदर्शन केले आहे. याचीच ओळख डॉ. शारदा महांडुळे-निर्मळ यांनी या पुस्तकात करून दिली आहे.
विवाह ठरल्यापासून काय करावे, संततप्रतिबंधक उपाय, गर्भधारणेपूर्वीची काळजी, अडचणी अशी सुरुवातीची चर्चा केल्यावर पंचकर्म, गर्भाधान विधीची माहितीही त्या देतात. या सर्व काळात डॉक्टरांचा सल्ला आणि कुटुंबियांचा आधार कसा महत्त्वाचा असतो, हे सांगायलाही त्या विसरत नाहीत.
गर्भाची टप्याटप्याने वाढ, गर्भावस्थेतील मातेचा आहार, स्तोत्र व मंत्रोपचार, गर्भावतीचा दिनक्रम, व्यायाम आदींची माहितीही समजते. प्रसूतिगृह निवडताना काय करावे, सुतिकेचा आहार व विहार, बाळाची दिनचर्या यांबरोबरच रुग्णांच्या अनुभवांचाही पुस्तकात समावेश आहे.
प्रकाशक : दुर्वांकुर प्रकाशन
पाने : २१९
किंमत : ३८० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)
